Përfaqësues të shteteve të QUINT dhe ushtruesja e detyrës së shefes së Zyrës së European Union në Kosovë, Eva Palatova, vizituan sot Zyrën për Regjistrimin Civil të Komunës së Mitrovicës së Veriut.

Gjatë vizitës, ata inkurajuan banorët e komunës që të shfrytëzojnë marrëveshjen e 14 marsit, lidhur me Ligjin për të Huajt, me qëllim të lehtësimit të procedurave administrative dhe të sigurimit të përfshirjes së komunitetit serb.

“Ne i inkurajuam banorët vendas të shfrytëzojnë marrëveshjen e 14 marsit. BE-ja do të vazhdojë të angazhohet me Qeverinë e Kosovës dhe komunitetin serb të Kosovës për zbatimin e saj”, shkroi Palatova në një deklaratë pas vizitës.

Qëllimi i vizitës është të promovojë bashkëpunimin ndërmjet institucioneve dhe komuniteteve lokale, duke siguruar zbatimin e marrëveshjeve ndërkombëtare në praktikë dhe përmirësimin e qasjes së qytetarëve te shërbimet administrative.